Թեհրանի ԱԳՆ է հրավիրվել Ադրբեջանի դեսպանը: Հունվարի 22-ին տեղի է ունեցել դեսպան Ալի Ալիզադեի և Իրանի արտաքին գործերի նախարարության Եվրասիական վարչության գլխավոր տնօրեն Մոջթաբա Դեմիրչիի հանդիպումը։
Իրանական ՄԵՀՐ գործակալությունը հայտնում է, որ Դեմիրչին դեսպանի հետ քննարկել է «որոշ շրջանակների բացասական գործողությունները Ադրբեջանում սովորող մի շարք իրանցի ուսանողների նկատմամբ»։
Նա դա վնասակար քայլ է անվանել երկու ժողովուրդների հարաբերությունների համար՝ միաժամանակ փոխանցելով իրանական կողմի բողոքը՝ կոչ անելով պատժել նման գործողությունների նախաձեռնողներին։
Դեմիրչին կարեւորել է նաեւ հոգեւորականներին ուղղված «ցանկացած վիրավորանքի դեմ վճռական պայքարը»։
Այսօր Բաքվի բժշկական համալսարանում սովորող շուրջ տասը իրանցի ուսանողներ արտաքսվել են երկրից։ Որոշ լրատվամիջոցներ գրել են, որ դրանք «անբարոյական» են։