Սիրելի ընկերներ, հարգելի կանայք,
Շնորհավորում ենք ձեզ Մարտի 8-ի կապակցությամբ՝ տոն, որը ծնվել է սոցիալիստական երկրում և դարձել պայքարի խորհրդանիշ հավասարության, արդարության և կանանց արժանապատվության համար։
Հենց Կլարա Ցետկինի նախաձեռնությամբ է, որ այս օրը նշվում է որպես կանանց իրավունքների պաշտպանության օր, իսկ սոցիալիզմն էր, որ կանանց տվեց իրական իրավունքներ՝
✅ Տղամարդկանց հետ հավասար աշխատավարձ
✅ Կրթության և գիտության հասանելիություն
✅ Մասնակցություն երկրի կառավարմանը
✅ Սոցիալական երաշխիքներ՝ մայրության և մանկության պաշտպանություն, արձակուրդներ
Կապիտալիստական քարոզչությունը փորձում է ցույց տալ, թե իբր կանանց իրավունքները տրվել են “ժողովրդավարական” աշխարհում, բայց Սովետական Միությունն էր առաջին պետությունը, որտեղ կինը գործնականում ձեռք բերեց լիարժեք հավասարություն։
Այսօր, երբ Արևմուտքից մեզ պարտադրում են օտար գաղափարներ՝ գենդերային տեսություններ, ընտանիքի քայքայում, սեռափոխությունը որպես “նոր նորմ”, մենք տեսնում ենք, որ կապիտալիզմը փոխարինում է իրական պայքարը կանանց իրավունքների համար արհեստական սոցիալական կառուցվածքներով։
Բայց մեզ համար Մարտի 8-ը պարզապես “ծաղիկների օր” չէ, այլ այն օրն է, երբ մենք գնահատում ենք կանանց աշխատանքը, սխրանքն ու ուժը, որոնք տղամարդկանց հետ միասին կերտում են ապագան՝ պահելով ավանդական արժեքները, մշակույթն ու ընտանիքը։
💐 Շնորհավոր տոնդ, սիրելի ընկեր! Թող Կլարա Ցետկինի գաղափարները և սոցիալիստական արդարության, հավասարության ու կնոջ իրական հարգանքի սկզբունքները միշտ ապրեն մեր սրտերում։
Ռոբերտ Ահարոնյան
Հայաստանի Սոցիալիստական Շարժում