Ծրագրված է Ամենայն Հայոց կաթողիկոսի մասնակցությունը Հռոմի Ֆրանցիսկոս պապի հուղարկավորության արարողություններին, «Ազատությանը» հայտնեցին Մայր աթոռից:
Պապի հուղարկավորությունը տեղի կունենա շաբաթ օրը՝ ապրիլի 26-ին:
Կաթոլիկ եկեղեցու 266-րդ առաջնորդը, ըստ իր կտակի, ցանկացել է իր հուղարկավորությունը կազմակերպել պարզեցված ձևով։
Աշխարհի մի շարք առաջնորդներ, այդ թվում՝ Ֆրանսիայի, ԱՄՆ-ի, Բրազիլիայի, Արգենտինայի ղեկավարներն արդեն հայտարարել են Վատիկան մեկնելու իրենց մտադրության մասին՝ վերջին հրաժեշտը տալու սրբազան քահանայապետին։
88-ամյա Ֆրանցիսկոս պապը մահացել է ապրիլի 21-ին՝ առավոտյան: Ֆրանցիսկոս պապը Կաթոլիկ եկեղեցու առաջնորդի գահը ստանձնել էր 2013 թվականին: