Ուկրաինական ճգնաժամի արագ լուծումը գործնականում անհնարին է, այսօր հայտարարել է Կրեմլի պաշտոնական ներկայացուցիչ Դմիտրի Պեսկովը՝ մեկնաբանելով պատերազմի դադարեցմանն ուղղված Սպիտակ տան ջանքերը։
«Մենք հասկանում ենք, որ Վաշինգտոնի ցանկությունը ուկրաինական խնդրի արագ հանգուցալուծումն է։ Այդ գործընթացը, սակայն, չափազանց բարդ է նման արդյունքի համար»,- նշել է Պեսկովը։
«Նախագահ Պուտինը հակամարտության քաղաքական-դիվանագիտական լուծումը չի մերժում։ Իրավիճակն այնպիսին է, ինչպիսին որ է»,-նշել է Պեսկովը՝ պնդելով, թե խաղաղ կարգավորման հիմնական խոչընդոտ շարունակում է մնալ Կիևի որդեգրած «անհաշտ դիրքորոշումը»։