Աշխարհի չեմպիոն ունենք:
Այս մասին սոցցանցի իր էջում գրում է Հայաստանի Հանրապետության վարչապետի աշխատակազմի ղեկավար, Հայաստանի ծանրամարտի ֆեդերացիայի նախագահ Արայիկ Հարությունյանը:
Հայաստանի պատանեկան հավաքականի անդամ 96 կգ քաշային Գրիգոր Ղազարյանը դարձավ աշխարհի առաջնության ոսկե մեդալակիր:
Պերուի մայրաքաղաք Լիմայում ընթացող աշխարհի պատանեկան առաջնության 96 կգ քաշում Գրիգոր Ղազարյանը պոկում վարժության երեք հաջող մոտեցմամբ բարձրացրել է 138կգ, 142 կգ, 145 կգ:
Այս վարժությունում Ղազարյանը նվաճել է ոսկե մեդալ: Հրում վարժությունում Գրիգորը գլխավերևում պահել է 175 կգ, 180 կգ ու 185 կգ: Այս ձևում ևս մեր ծանրորդը ոսկե մեդալակիր է դարձել:
Երկամարտի 330 կգ արդյունքով` Գրիգոր Ղազարյանը դարձել է աշխարհի չեմպիոն: