Առցանց գնումներն առավել հասանելի են և հարմար, սակայն դրանք կարող են անդրադառնալ մարդու հուզական վիճակի վրա։ Հոգեբան Դարյա Յաուշևայի խոսքով՝ օնլայն գնումները հաճախ օգտագործվում են որպես միջոց՝ խուսափելու սթրեսից ու հոգնածությունից, փոխանցում է mir24.tv-ն։
Սպասվող գնումները ակտիվացնում են դոֆամինի՝ «պարգևի» հորմոնի, արտազատումը՝ առաջացնելով հաճույքի զգացում։ Սա ժամանակավորապես լրացնում է հուզական դեֆիցիտը և վերականգնում վերահսկողության զգացումը։
Սակայն այս վարքագծի չարաշահումը կարող է հանգեցնել կախվածության՝ հատկապես, երբ գնումները դառնում են խնդիրներից փախուստի հիմնական միջոց։