Պակիստանը հայտարարում է, թե 31 մարդ է զոհվել, շուրջ հինգ տասնյակը՝ վիրավորվել կեսգիշերն անց Հնդկաստանի կողմից տեղի ունեցած հրթիռակոծության հետևանքով, որն Իսլամաբադը բնորոշում է որպես պատերազմական հարձակում:
Պակիստանի պատասխան կրակից, ըստ Հնդկաստանի ոստիկանության, Քաշմիրում զոհվել է առնվազն տասը մարդ, ևս 48-ը վիրավոր են։
Սա վերջին ավելի քան քսան տարիների ընթացքում ամենամահաբեր բախումն է երկու միջուկային պետությունների միջև։
Պակիստանը պնդում է, որ Հնդկաստանը «մեծ կրակ է սադրել տարածաշրջանում», և Իսլամաբադը վրեժխնդիր կլինի «իր նախընտրած կերպով և այն ժամանակ, երբ հարկ կհամարի»։
Միջազգային հանրությունը հորդորում է կողմերին զսպվածություն ցուցաբերել։